Bu günə qədər ən sürətli yayılma tempinə malik olan Omicron-un alt variantı XBB.1.5 ABŞ-da COVİD xəstələrinin 27,6 faizində aşkarlanıb…
Koronavirusun Omicron variantının bir çox ölkədə, xüsusən də ABŞ-da yenidən artmasından sonra Ümumdünya Səhiyyə Təşkilatı bütün ölkələri hava ilə səyahət edən sərnişinlərə maska taxmağı tövsiyə etməyə çağırıb.
PİA.az xəbər verir ki, bu barədə BBC məlumat yayıb.
Ümumdünya Səhiyyə Təşkilatının (ÜST) Avropa Fövqəladə hallar üzrə direktoru Ketrin Smolvud çərşənbə axşamı keçirdiyi mətbuat konfransında XBB.1.5 alt variantının Avropada kiçik, lakin artan saylarda da görüldüyünü açıqlayıb.
Sərnişinlərə riskin daha yüksək olduğu hallarda, məsələn, uzun təyyarə səfərlərində maska taxmaq tövsiyə olunub. Smolvud COVİD-19-un sürətlə artdığı istiqamətlərdən gələn sərnişinlərə də maska taxmağı tövsiyə edilməli olduğunu söyləyib.
Yanvarın 7-nə qədər aparılan araştırmalara görə, bu günə qədər ən sürətli yayılma tempinə malik olan Omicron-un alt variantı XBB.1.5 ABŞ-da COVİD xəstələrinin 27,6 faizində aşkarlanıb.
pia.az